Top

موقع الجمال

شارك

الحكومة

بالفيديو .. "السيسي" لـ"شريف إسماعيل": "بشكرك قدام ربنا والناس"

تاريخ النشر:31-01-2018 / 01:39 PM

وجه الرئيس عبدالفتاح السيسي، الشكر إلى المهندس شريف إسماعيل رئيس الوزراء، على الجهود التي بذلها منذ أن كان وزيرا للبترول، في توقيت اكتشاف حقل ظهر.

وقال الرئيس، خلال كلمته بافتتاح حقل ظهر، اليوم الأربعاء:"المهندس شريف راجل من أفاضل الناس اللي شوفتهم في حياتي.. صدقوني ما بجاملش في كلامي مع حد دي طبيعتي ، لكن هو رجل، ويوم أن جاء بالخبر السعيد كان وزيرا للبترول جه بيقولي فيه خبر كويس، وكان بقاله سنة معانا".

وتابع، قائلا:" كنا بنتكلم على اشكاليات البوتجاز ومحطات الكهرباء وغاز المصانع وكان التحديات كبيرة، ولم أجد منه سوى الاحترام".

مُضيفا:"الناس متعودة بتحترم الناس اللي بترغي واللي بتقول أي كلام لكن الناس المحترمة التي تعمل في صمت ميبقاش ليها حظ" وتابع قائلا لـ"اسماعيل"،:"انت حتى لو إحنا مقدرناش نقدرك ربنا هيقدرك". 

واستطرد: "بتوجه بشكر خاص بتقدير واحترام حقيقي للمهندس شريف أمام ربنا والناس.. بشكرك دايما كان رجل على قد المسئولية تحمل كثير جدا، والظروف كانت صعبة والناس متخيله اننا ممكن نحل أي حاجه بالمفتاح، لا طبعا مشروع زي ده اتحط 13 مليار عشان الشغل ده يطلع بدري 6 سنوات عن ميعاده أي ما يعادل 260 مليار جنيه في سنة ونص".

واستكمل:" كان فيها توفيق كتير من ربنا في فكرة البحث، ومش ناسي القرار ده اتخذ من وزارة البترول بأن يتم البحث بالطريقة اللي حصل بيها، وبشكر قطاع البترول كله، وكل أجهزة الدولة اللي ساعدت وعانت عشان يتنفذ في وقت قياسي".

المصدر: صدى البلد